بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
هذي قصيدة للشاعر / صالح بن عالي الجياشي الحارثي
يتكلم فيها الشاعر عن الوالدين و رضاهم واجب علينا
و أرجوا أن تكون القصيدة تحوز على رضاكم
يالله يـا المعـبـود رب البـريـة..يا ناصر المظلـوم فـي كـل هيـه
يا عالم أسرار البشـر و الخوافـي..ياكاتب(ن) للعبـد حسنـه و سيـه
إنـك توفقنـي و تغفـر ذنـوبـي..وتكتبلـي الجنـه نهـار المنـيـه
و إنك تسخرلـي رضـا الوالدينـا..و أكمل لوازمهم في صبح و عشيه
وإنصرت فالدنيـا مـادور رضاهـم..الله يجعلهـا حــرام(ن) علـيـه
ودي أعبر لأجـل أوضـح كلامـي..وقالولـي التعبيـر يخـذل خويـه
لكـن ياستـر العـذارى ياعـالـي..مني سـلام إسـلام هـذي التحيـه
وبعد السلام السامي اللـي بديتـه..تمر الحساء سقتـه مـع الشاذليـه
الدله أم الهيـل يـا تـاج راسـي..كيفك وكيف أهل الوفاء و الحميـه
و أقلط على الحايل واكل من شحمها..ثم أغتبق يـا جعلهـا لـك هنيـه
وبعدهـا تستاهـل الـعـود الأزرق..طيـب سبالـك ياحميـد السجيـه
ونذر(ن) على رقبتي يا مال الغنيمه..إنـي مقصـر مالحقـت الجـزيـه
ولاأصل مواصيلك يا طلق الحجاجي..ياطويق مدري طويق قالوا سميـه
الطيب لو إنه علـى هيئـة إنسـان..تراك تاج(ن) فـوق راسـه وليـه
و أهم حاجه في حياتي يـا هامـه..راحة يدينـك فـوق راحـت يديـه
و بعدهـا لبـا كفـوفـك يايـمـه..يا عزوتي يوم أعتـزي الحارثيـه
مدي كفوفك لأجـل أقبـل كفوفـك..و أقبـل الرجليـن يـا مزهـريـة
تكفين يا يمـه أنـا أقـول تكفيـن..تكفيـن ضحيبـي نهـار الضحيـه
أقسم بـرب البيـت لبيـع روحـي..و في بيع روحي باقي فضلك عليـه
وإختامهـا يـا رب للديـم ستـرك..وتكتبلـي الجنـه نهـار المنـيـه
الشاعر \ صالح بن عالي الجياشي الحارثي
منقوله
والشعر الطيب والكلام الطيب والنصيحه يجب ان لا تقف في مكان واحد بل تنتشر وتنشر
لكي يقرأه الجميع واكثر كم من العقول اللي تفهم وتعي لتستفيد وتفيد من بعدها
وان شااء الله انها تحوز عل رضاكم
صح لسان الشاعر
